Snerpa vill vara við pósti sem er í dreifingu frá World Company Register. Móttakandi er hvattur til að skrá fyrirtæki sitt í gagnagrunn og með póstinum fylgir form fyrir skráinguna í PDF-skjali sem óskað er eftir að verði endursent. Pósturinn er sjálfur meinlaus ef honum er ekki svarað en í smáa letrinu í PDF-skjalinu kemur fram að sé óskað eftir lágmarksskráningu gildi hún í þrjú ár og gjald per ár sé 1495 evrur eða um 227.000 kr. á ári í þrjú ár auk þess sem hún endurnýjast sjálfkrafa sé henni ekki sagt upp.

Smáa letrið er mjög ólæsilegt svo við stækkuðum hluta þess upp.